| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.831 | nahi me saṃśītirasyā divyatāṃ prati, ākṛtirevānumāpayatyamānuṣatām, kutaśca marttyaloke sambhūtirevaṃvidhānāṃ gandharvadhvaniviśeṣāṇām' / | | kad pb1.832 | tad yadi me sahasā darśanapathānnāpayāti, nārohati vā kailāsaśikharam, notpatati vā gaganatalam, tataḥ 'kā tvam, kimabhidhānā vā, kimarthaṃ vā prathame vayasi pratipannā vratam' iti sarvamevaitat enāmupasṛtya pṛcchāmi, atimahānayamavakāśa āścaryyāṇām' ityavadhāryya tasyāmeva sphaṭikamaṇḍapikāyāmanyatamaṃ stambhamāśritya samupaviṣṭo gītasamāptyavasaraṃ pratīkṣamāṇastasthau / | | kad pb1.833 | atha gītāvasāne mūkībhūtavīṇā praśāntamadhukararuteva kumudinī sā kanyakā samutthāya pradakṣiṇīkṛtya kṛtaharapraṇāmā parivṛtya svabhāvadhavalayā tapaḥprabhāvapragalbhayā dṛṣṭyā samāśvāsayantīva, puṇyairiva spṛśantī, tīrthajalairiva prakṣālayantī, taopbhiriva pāvayantī, śuddhimiva kurvāṇā, varadānam ivopapādayantī, pavitratāmiva nayantī, candrāṣīḍamābabhāṣe'svāgatamatithaye, kathamimāṃ bhūbhimanuprāpto mahābhāgaḥ, taduttiṣṭha, āgamyatām, anubhūyatāmatithisatkāraḥ' iti / |
|
