 |
|
| Context: the preceding and the following line for kādambarī pb1.1162 | back to results view | new search |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
| kad pb1.1161 | āśayā hi kimiva na kriyate / |
| kad pb1.1162 | tāñca pāpakāriṇī kālarātripratimāṃ varṣasahasrāyamāṇāṃ yātanāmayīmiva duḥkhamayīmiva narakamayīmiva agnimayīmiva utsannanidrā tathaiva kṣititale viceṣṭamānā reṇukaṇadhūsarairaśrūjalārdrakapolasandānitairvimuktavyākulaiḥ śirāruhairuparuddhamukhī nirddayākrandajarjarasvarakṣayakṣāmeṇa kaṇṭhena tasminneva sarastīre taralikādvitīyākṣaṇaṃ kṣapitavatī / |
| kad pb1.1163 | pratyūṣasi tūtthāya tasminneva sarasi snātvā, kṛtaniścayā, tatprītyā tameva kamaṇḍalumādāya tānyeva ca valkalāni tāmevākṣamālāṃ gṛhītvā, buddhvā niḥsāratāṃ saṃsārasya, jñātvā ca mandapuṇyatāmātmanaḥ, nirūpya cāpratīkāradāruṇatāṃ vyasanopanipātānām, ākalayya dunivāratāṃ śokasya, dṛṣṭvā ca niṣṭhuratāṃ daivasya, cintayitvā cātibahuladuḥkhatāṃ snehasya bhāvayitvācānityatāṃ sarvabhāvānām, avadhāryya cākāṇḍabhaṅguratāṃ sarvasukhānām, avigaṇayya tātamambāñca, parityajya saha parijanena sakalabandhuvargam, nivartya viṣayasukhebhyo manaḥ, sayamyendriyāṇi, gṛhītabrahmacaryyā devaṃ trailokyanāthamanāthaśaraṇam imaṃ śaraṇāthinī sthāṇumāśritā / |
| back to results view | new search |