|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.415 | tataḥ krameṇa yathāsamīhitagarbhadohadasampādanapramuditā pūrṇe prasavasamaye puṇye'hani anavaratagalannāḍikākalitakālakalaiḥ bahirāgṛhītacchāyairgaṇakairgṛhīte lagne praśastāyāṃ velāyāmirammadamiva meghamālā sakalalokahṛdayānandakāriṇaṃ vilāsavatī sutamasūta / | | kad pb1.416 | tasmin jāte sarabhasamitastataḥ pradhāvitasya parijanasya caraṇaśatasaṃkṣobhacalitakṣititalo bhūpālābhimukhaprasṛtaṃ skhaladgativikalakañcukisahasro janasammarddaniṣpiṣyamāṇapatitakubjavāmanakirātagaṇo visphāryyamāṇāntaḥpurajanābharaṇajhaṅkāramanoharaḥ pūrṇapātrāharaṇaviluṭhyamānavasanabhūṣaṇaḥ saṃkṣobhitanagaro rājakule diṣṭivṛddhisambhramo'timahānabhūt / | | kad pb1.417 | anantarañca mandaramathyamānajalanidhighoṣagambhīradundubhidhvānapuraḥsareṇa prahatamṛdumṛdaṅgaśaṅkhakāhalānakanivahaninādanirbhareṇa maṅgalapaṭahapaṭuravasaṃvirddhitena anekajanasahasrakalakalabahulena tribhuvanamāpūrayatā utsavakolāhalena sasāmantāḥ sāntaḥpurāḥ saprakṛtayaḥ sarājalokāḥ saveśyāyuvatayaḥ sabālavṛddhā nanṛturāgopālamunmattā iva harṣanirbharāḥ prajā pratikṣaṇam avarddhata candrodayeneva jalanidhiḥ kalakalamukharo rājasūtorjanmamahotsavaḥ / |
|
| |
|
| |
