|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.456 | nimeṣamapi tena vinā sthātumekākī na śaśāka / | | kad pb1.457 | vaiśampāyano'pi tamuṣṇakaramiva vāsaro'nugacchanna kṣaṇamapi virahayāñcakāra / | | kad pb1.458 | evaṃ tasya sarvavidyāparicayamācarataścandrāpīḍasya tribhuvanavilobhanīyo'mṛtarasa iva sāgarasya, sakalalokahṛdayanayanānandajananaścandrodaya iva pradoṣasya, bahuvidharāgavikārabhaṅguraḥ suradhanuḥkalāpa iva jaladharasamayasya, makaradhvajāyudhabhūtaḥ kusumaprasava iva kalpapādapasya, abhinavābhivyajyamānarāgaramaṇīyaḥ sūryyodaya iva kamalavanasya, vividhalāsyavilāsayogyaḥ kalāpa iva śikhaṇḍino yauvanārambhaḥ prādurbhavan ramaṇīyasyāpi dviguṇāṃ ramaṇīyatāṃ pupoṣa / |
|
| |
|
| |
