|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.658 | candanaprabhavo na dahati kimanalaḥ, kiṃvā praśamahetunāpi na pracaṇḍatarībhavati vaḍavānalo vāriṇā / | | kad pb1.659 | gurūpadeśaśca nāma puruṣāṇāmakhilamalaprakṣālanakṣamamajalasnānam, anupajātapalitādivairūpyamajaraṃ vṛddhatvam, anāropitamedodoṣaṃ gurūkaraṇam, asuvarṇaviracanamagrāmyaṃ karṇābharaṇam, atītajyotirālokaḥ, nodvegakaraḥ prajāgaraḥ, viśeṣeṇa rājñām, viralā hi teṣāmupadeṣṭāraḥ / | | kad pb1.660 | pratiśabdaka iva rājavacanamanugacchati jano bhayāt / |
|
| |
|
| |
