|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 5.180 | nivartasva" ityabhidadhāna eva ca sasnehamiva nūpuramaṇimarīcibhiścumbayamānacūḍaścaraṇayornyapatat / | | har 5.181 | devī tu yaśovatī tathā tiṣṭhati pādanihitaśirasi vimanasi ka nīyasi preyasi tanaye guruṇā giriṇevodvegavegenāvaṣṭabhyamānā, mūrcchāndhatamasaṃ rasātalamiva praviśantī, bāṣpapravāheneva ciranirodhasaṃpiṇḍitena snehasaṃbhāreṇa nirbharāvirbhūtenābhibhūyamānā, kṛtaprayatnāpi nivārayituṃ na śaśāka bāṣpotpatanam / | | har 5.182 | utkaṭakucotkampaprakaṭitāsahyaśokākūtā ca gadgadikāgṛhyamāṇagalavikalā niḥsāmānyamanyutaralīkriyamāṇādharoddeśā punaruktasphuraṇanibiḍitanāsāpuṭā nimīlya nayane nayanāmbhaḥsekaplavena plāvayantī vimalau kapolau saṃchādya karanakhamayūkhamālākhacitatanunā tanvantaranirgacchadacchāsrasrotasevāṃśukapaṭāntena kiṃciduttānitaṃ vadanenduṃ dūyamānamānasā smarantī prasnutastanī prasavadivasādārabhya sakalamaṅkaśāyinaḥ śaiśavamasya jñātigṛhagatahṛdayā "amba , tāta, na paśyataṃ pāpāṃ paralokaprasthitāṃ māmevamatiduḥkhitām" iti śvaśurakulavartinīṃ duhitaramanuśocantī, "niṣkaruṇa, kimaparāddhaṃ tavāmunā janena" iti nindantī bahuvidhamātmānam, "muṣitāsmi nṛśaṃsa, tvayā" ityakāṇḍe kṛtāntaṃ garhamāṇā muktakaṇṭhamaticiraṃ prākṛtapramadeva prārodīt / |
|
| |
|
| |
