|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 5.182 | utkaṭakucotkampaprakaṭitāsahyaśokākūtā ca gadgadikāgṛhyamāṇagalavikalā niḥsāmānyamanyutaralīkriyamāṇādharoddeśā punaruktasphuraṇanibiḍitanāsāpuṭā nimīlya nayane nayanāmbhaḥsekaplavena plāvayantī vimalau kapolau saṃchādya karanakhamayūkhamālākhacitatanunā tanvantaranirgacchadacchāsrasrotasevāṃśukapaṭāntena kiṃciduttānitaṃ vadanenduṃ dūyamānamānasā smarantī prasnutastanī prasavadivasādārabhya sakalamaṅkaśāyinaḥ śaiśavamasya jñātigṛhagatahṛdayā "amba , tāta, na paśyataṃ pāpāṃ paralokaprasthitāṃ māmevamatiduḥkhitām" iti śvaśurakulavartinīṃ duhitaramanuśocantī, "niṣkaruṇa, kimaparāddhaṃ tavāmunā janena" iti nindantī bahuvidhamātmānam, "muṣitāsmi nṛśaṃsa, tvayā" ityakāṇḍe kṛtāntaṃ garhamāṇā muktakaṇṭhamaticiraṃ prākṛtapramadeva prārodīt / | | har 5.183 | praśānte ca manyuvege sasnehamutthāpayāmāsa sutam / | | har 5.184 | hastena cāspa praruditasya pakṣmapālīpuñjyamānanakhakiraṇanivahāṃ drutamivādhikataraṃ kṣarantīṃ dṛṣṭimunmamārja / |
|
| |
|
| |
