|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 5.53 | avanipatistu dūrādeva dṛṣṭvātidayitaṃ tanayaṃ tadavastho'pi nirbharasnehāvarjitaḥ pradhāvamāno manasā prasārya bhujau "ehyehi" ityāhvayañśarīrārdhena śayanādudagāt / | | har 5.54 | sasaṃbhramamupasṛtaṃ cainaṃ vinayāvanamramunnamayya balādurasi niveśya, viśanniva premṇā niśākaramaṇḍalamadhyam, majjannivāmṛtamaye mahāsarasi, snāniva mahati haricandanarasaprasravaṇe, abhiṣicyamāna iva tuṣārādidraveṇa, pīḍayannaṅgairaṅgāni, kapolena kapolamavaghaṭṭayan, nimīlayanpakṣmāgragrathitājasrāsravisrāviṇī vilocane vismṛtajvarasaṃjvaraḥ suciramāliliṅga kathaṃ kathamapi cirādvimuktamupasṛtya kṛtanamaskāraṃ praṇatajananīkamupāgatamāsīnaṃ ca śayanāntike pibanniva vigatanimeṣaniścalena cakṣuṣā vyalokayat / | | har 5.55 | pasparśa ca punaḥ punarvepathumatā pāṇitalena kṣayakṣāmakaṇṭhaśca kṛcchrādivāvādīt - "vatsa, kṛśo'si" iti / |
|
| |
|
| |
