|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 5.251 | rājavallabhāstu bhṛtyāḥ suhṛdaḥ acivāśca tasminnevāhani nirgatya priyaṃ putradāsmutsṛjyodbāṣpairbandhubhirvāryamāṇā api bahunṛpaguṇagaṇahṛtahṛdayāḥ kecidātmānaṃ bhṛguṣu babandhuḥ, keṃcittatraiva? tīrtheṣu tasthuḥ, kecidanaśanairāstīrṇatṛṇakuśā vyathamānamānasāḥ śucamasamāmaśamayan, kecicchalabhā iva vaiśvānaraṃ śokāvegavivaśā viviśuḥ, keciddāruṇaduḥkhadahanadahyamānahṛdayā gṛhītavācastuṣāraśikhariṇaṃ śaraṇaṃ yayuḥ, kecidvindhyopatyakāsu vanakarikulakaraśīkarāsārasicyamānatanavaḥ pallavaśayanaśāyinaḥ saṃtāpamaśamayan, kecitsaṃnihitānapi viṣayānutsṛjya sevāvimukhāḥ paricchinnaiḥ piṇḍakairaṭavībhuvaḥ śūnyā jagṛhuḥ, kecitpavanāśanā dharmadhanā dhamaddhamanayo munayo babhūvuḥ, kecidgṛhītakāṣāyāḥ kāpilaṃ matamadhijagire giriṣu, kecidācoṭitacūḍāmaṇiṣu śiraḥsu śaraṇīkṛtadhūrjaṭayo jaṭā jaghaṭire, apare paripāṭalapralambacīvarāmbarasaṃvītāḥ svāmyanurāgamujjvalaṃ cakruḥ / | | har 5.252 | anye tapovanahariṇajihvāñcalollihyamānamūrtayo jarāṃ yayuḥ / | | har 5.253 | apare punaḥ pāṇipallavapramṛṣṭairātāmrarāgairnayanapuṭaiḥ kamaṇḍalubhiśca vāri vahanto gṛhītavratā muṇḍā viceruḥ / |
|
| |
|
| |
