| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.139 | āsīcca me manasi ?? 'aho! mohaprāyameṣāṃ jīvitam, sādhujanavigarhitañca caritam / | | kad pb1.140 | tathāhi puruṣapiśitopahāre dharmmabuddhiḥ, āhāraḥ sādhujanavigarhito madhumāṃsādiḥ, śramo mṛgayā, śāstraṃ śivārutam, upadeṣṭāraḥ sadasatāṃ kauśikāḥ, prajñā śakunijñānam, paricitāḥ śvānaḥ, rājyaṃ śunyāṭavīṣu, āpānakamutsavaḥ, mitrāṇi krūrakarmmasādhanāni dhanūṃṣi, sahāyā viṣadigdhamukhā bhujaṅgā iva sāyakāḥ, gītamutsādakāri mugdhamṛgāṇām, kalatrāṇi bandigṛhītāḥ parayoṣitaḥ, krūrātmabhiḥ śārdūlaiḥ, saha saṃvāsaḥ, paśurudhireṇa devatārccanam, māṃsena balikarmma, cauryyeṇa jīvanam, bhūṣaṇāni bhujaṅgamaṇayaḥ, vanagajamadairaṅgarāgaḥ, yasminneva kānane nivasanti, tadevotkhātamūlamaśeṣataḥ kurvanti' / | | kad pb1.141 | iti cintayatyeva mayi sa śabarasenāpatiraṭavīparibhramaṇasamudbhavaṃ śramamapaninīṣurāgatya tasyaiva śālmalītaroradhaśchāyāyāmavatāritakodaṇḍastvaritaparijanopanītapallavāsane samupāviśat / |
|
