|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.172 | tathāhi jaladevatānūpuraravānukāri dūre'dyāpi kalahaṃsavirutametat, asphuṭāni śrūyante sārasarasitāni, viprakarṣādāśāmukhavisarpaṇaviralaḥ sañcarati nalinīṣaṇḍaparimalaḥ / | | kad pb1.173 | divasasyeyamatikaṣṭā daśā varttate / | | kad pb1.174 | tathāhi ravirambaratalamadhyavarttī sphurantamātapamanavaratamanaladhūlinikaramiva vikirati karaiḥ, adhikāmupajanayati tṛṣām / |
|
| |
|
| |
