| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1172 | tadarthamājanmanaḥ prabhṛti samupacitaparicayaḥ preyānapyasaṃstuta iva parityakto bāndhavajanaḥ sannihitā api tṛṇāvajñāyāvadhāritā viṣayāḥ, muktani ātiśayitasunāsīrasamṛddhīnyaiśvaryyasukhāni, mṛṇālinīvārtitanīyasyāpi nitarāṃ tanimānamanucittaiḥ saṃkleśairupanītā tanuḥ, gṛhītaṃ brahmacaryyam, āyojitastapasi mahatyātmā, vanitājanaduṣkaramapyaṅgīkṛtam araṇyāvasthānam / | | kad pb1.1173 | api ca, anāyāsenaivātmā duḥkhāmibhūtaiḥ parityajyate, mahīyasā tu yatnena garīyasi kleśe nikṣipyate kevalam / | | kad pb1.1174 | yadetadanumaraṇaṃ nāmatadatiniṣphalam, avidvajjanācarita eṣa mārgaḥ, mohavilasitametat, ajñātapaddhatiriyam, rabhasācaritamidam, kṣudradṛṣṭireṣā, atipramādo'yam, maurkhyaskhalitamidam, yaduparate pitari bhrātari suhṛdi bharttari vā prāṇāḥ parityajyante, svayañcenna jahati na parityājyāḥ / |
|
