|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.1513 | śrutvā ca tamanekacihnotpāditapratyayamaśraddheyaṃ ca niratiśayaśokakāraṇaṃ ca vismayāspadabhūtaṃ ca duḥśravaṃ ca kautukakaraṃ ca yuvarājavaiśampāyanayorvṛttāntamīṣadiva vivartitānano vimarśastimitatārakāṃ dṛṣṭiṃ nirviśeṣāvasthe śukanāsamukhebhyapātayat / | | kad ub1.1514 | suhṛdastu svayaṃ duḥkhitā api nidhānīkṛtyātmaduḥkhaṃ suhṛdduḥkhāpanodāyaiva yatante yataḥ śukanāsastadavasthopi svasthavadavanipatimuvāca' / | | kad ub1.1515 | deva, vicitresminsaṃsāre saṃcaratsu sukhaduḥkhamayeṣu devatiryagyonimānuṣeṣu triguṇātmanaḥ pradhānasyāpi pariṇāmātparamāṇvāderbrahmāṇḍaparyantasyotpattisthitipralayakāraṇasyeśvarasyecchayā dharmādharmasādhanānāmiṣṭāniṣṭāphalasaṃbandhakāriṇāṃ karmaṇāṃ vā śubhāśubhānāṃ vipākasvabhāvādvā svayamevānekaprakāramutpadyamānasya tiṣṭhato vinaśyato vā niyatavṛtteḥ sthāvarajaṅgamasya na kadācidavasthā sā yā na saṃbhavati / |
|
| |
|
| |
