|
| |
|
| |
| Text Name | daśakumāracaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| dkc pp2.41 | tadanu tadanucarāḥ kalye sākalyena rājakumāramanavalokayanto viṣaṇṇahṛdayāsteṣuteṣu vaneṣu samyaganviṣyānavekṣamāṇā etadanveṣaṇamanīṣayā deśāntaraṃ cariṣṇavotisahiṣṇavo niścitapunaḥsaṃgamasaṃketasthānāḥ parasparaṃ viyujya yayuḥ / | | dkc pp2.42 | lokaikavīreṇa kumāreṇa rakṣyamāṇaḥ saṃtuṣṭāntaraṅgo mātaṅgopi bilaṃ śaśiśekharakathitābhijñānaparijñātaṃ niḥśaṅkaṃ praviśya gṛhītatāmraśāsano rasātalaṃ pathā tenaivopetya tatra kasyacitpattanasya nikaṭe kelīkānanakāsārasya vigatasārasasya samīpe nānāvidhena śāsanavidhānopapāditena haviṣā homaṃ viracya pratyūhaparihāriṇi savismayaṃ vilokayati rājavāhane samidājyasamujjvalite jvalane puṇyagehaṃ dehaṃ mantrapūrvakamāhutīkṛtya taḍitsamānakāntiṃ divyāṃ tanumalabhata / | | dkc pp2.43 | tadanu maṇimayamaṇḍanamaṇḍalamaṇḍitā sakalalokalalanākulalalāmabhūtā kanyakā kācana vinītānekasakhījanānugamyamānā kalahaṃsagatyā śanairāgatyāvanisurottamāya maṇimekamujjvalākāramupāyanīkṛtya tena kā tvamiti pṛṣṭā sotkaṇṭhā kalakaṇṭhasvanena mandamandamudañjalirabhāṣata / |
|
| |
|
| |
