 |
|
| Context: the preceding and the following line for kādambarī ub1.582 | back to results view | new search |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
| kad ub1.581 | tatra cātiramyatayaiva sarvato dattadṛṣṭiḥ saṃcarannamarakāminīśrotraśikharārohaṇapraṇayocitaistaraṃgānilāhativilolavṛttibhiḥ kisalayairaviralakusumamakarandalobhapuñjitānāṃ ca mattamadhulihāṃ mañjunā śiñjitaraveṇa dūrādāhvayantamiva, marakatamaṇiśyāmayā prabhayānulimpantamiva samaṃ daśadigbhāgān, adattadivasakarakiraṇapraveśatayā divāpyantarniśīthinīmiva bibhrāṇam, ciraparicitairapi meghodgamāśaṅkayā muhurmuhurunmuktamadhurakekāravairvanaśikhaṇḍibhirutkandharairavalokyamānam, padamiva jaladakālasya, pratipakṣimiva sarvasaṃtāpānām, nijāvāsamiva jaḍimnaḥ, nirgamamārgamiva surabhimāsasya, āśrayamiva makaradhvajasya, utkaṇṭḥāvinodasthānamiva rateḥ, āspadamiva sarvaramaṇīyānām, anavaratavalitasurabhiśītalācchodasarastaraṃgamārutābhivījitābhyantaraśilātalamanyatamaṃ taṭalatāmaṇḍapamadrākṣīt / |
| kad ub1.582 | dṛṣṭvā ca tamaticirāntaritadarśanaṃ bhrātaramiva tanayamiva suhṛdamiva cānanyadṛṣṭirvismṛtanimeṣeṇa cakṣuṣā vilokayanstambhita iva likhita ivotkīrṇa iva pustamaya iva suciramūrdhva eva sthitvāpārayannivāṅgāni dhārayitumākramyamāṇa iva mūrcchayonmucyamāna ivendriyairjhaṭityunmuktāṅgaḥ samupaviśya bhūmau kimapyantarātmanā smarannivānudhyāyanniva nirvikāravadano galitalocanapayodhārāsaṃtānastūṣṇīmadhomukhastasthau / |
| kad ub1.583 | tathāvasthitaṃ ca tamavalokyāsmākamudapādi cetasi cintā' / |
| back to results view | new search |