•  Pandanus Homepage  •  Database of Plants  •  Publications  •  Sanskrit E-texts  •  Seminar of Indian Studies  •

Context: the preceding and the following line for harṣacaritam 4.212 back to results view  |  new search

Text Name harṣacaritam Transcribed by students of the Institute of Indian Studies, Faculty of Arts, Charles University, Prague. Proofread by students of the Institute of Indian Studies, Faculty of Arts, Charles University, Prague. Notes ...

har 4.211 gaccha" iti gadito grahavarmā praviśyāntaḥpuraṃ jāmātṛdarśanakutūhalinīnāṃ strīṇāṃ patitāni locanasahasrāṇi vikacanīlakuvalayavanānīva laṅghayannāsasāda kautukagṛhadvāram / har 4.212 nivāritaparijanaśca praviveśa / har 4.213 atha tatra katipayāptapriyasakhīsvajanapramadāprāyaparivārām, aruṇāṃśukāvaguṇṭhitamukhīṃ prabhātasaṃdhyāmiva svaprabhayā niṣprabhānpradīpakānkurvāṇām, atisaukumāryaśaṅkiteneva yauvanena nātinirbharamupagūḍhām, sāsādhvasanirudhyamānahṛdayadeśaduḥkhamuktairnibhṛtāyataiḥ śvasitairapayāntaṃ kumārabhāvamivānuśocantīm, atyutkampinīṃ patanabhiyeva trapayā niṣpandaṃ dhāryamāṇām, hastaṃ tāmarasapratipakṣamāsannagrahaṇaṃ śaśinamiva rohiṇīṃ bhayavepamānamīānasāmavalokayantīm, candanadhavalatanulatāṃ jyotsnādānasaṃcitalāvaṇyātkumudinīgarbhādiva prasūtām, kusumāmodanirhāriṇīṃ vasantahṛdayādiva nirgatām, niḥśvāsaparimalākṛṣṭamadhukarakulāṃ malayamārutādivotpannām, kṛtakaṃdarpānusaraṇāṃ ratimiva punarjātām, prabhālāvaṇyamadasaurabhamādhuraiḥ kaustubhaśaśimadirāpārijātāmṛtaprabhavaiḥ sarvaratnaguṇairaparāmiva surāsuraruṣā ratnākareṇa kalpitāṃ śriyaṃ snigdhena bālikālokena sitasindhuvārakusumamañjarībhiriva muktādīdhitibhiḥ kalpitakarṇāvataṃsām, karṇābharaṇamarakataprabhāharitaśādvalena kapolasthalītalena vinodayantīmiva hāriṇīṃ locanacchāyām, adhomukhaṃ varakautukālokanākulaṃ muhurmuhuḥ kṛtamukhonnamanaprayatnaṃ sakhījanaṃ hṛdayaṃ ca nirbhartsayantīṃ vadhūmapaśyat /

back to results view  |  new search

(c) 1998 - 2005 Seminar of Indian Studies, Institute of South and Central Asia, Faculty of Arts, Charles University.