|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 4.217 | jagāma ca navasudhādhavalāṃ nimantritāgataistuṣāraśailopatyakāmiva tryambakāmbikāvivāhāhṛtairbhūbhṛdbhiḥ parivṛtām, sekasukumārayavāṅkuradanturaiḥ pañcāsyaiḥ kalaśaiḥ komalavarṇikāvicitrairamitramukhaiśca maṅgalyaphalahastābhirañjalikārikābhirudbhāsitaparyantām, upādhyāyopadhīyamānendhanadhūmāyamānāgnisaṃdhukṣaṇākṣaṇikopadraṣṭtṛdvijāma, upakṛśānunihitānupahataharitakuśām, saṃnihitadṛṣadajinājyasruksamitpūlīnivahām, nūtanasūrpārpitaśyāmalaśamīpalāśamiśralājahāsinīṃ devīm / | | har 4.218 | āruroha ca tāṃ divamiva sajyotsnaḥ śaśī / | | har 4.219 | samutsasarpa ca vellitāruṇaśikhāpallavasya śikhinaḥ kusumāyudha iva ratidvitīyo raktāśokasya samīpam, hute ca hutabhuji dakṣiṇāvartapravṛttābhirvadhūvadanavilokanakutūhalinībhiriva jvālābhireva saha pradakṣiṇaṃ babhrāma / |
|
| |
|
| |
