| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.116 | jaakatanayā bhartrā virahavinodanāṛthamuṭajābhyantaralikhitā yatra rāmanivāsadarśanotsukā punariva dharaṇītalādullasantīva vanacarairadyāpyālokyate / | | kad pb1.117 | tasya caivaṃvidhasya sampratyapi prakaṭopalakṣyamāṇapūrvavṛttāntasyāgastyāśramasya nātidūre jalanidhipānakupitavaruṇotsāhitena agastyamatsarāttadāśramasamīpavarttyaparā iva vedhasā mahājalanidhirutpāditaḥ, pralayakālavighaṭitāṣṭadigbhāgasandhibandhaṃ gaganatalamiva bhuvi nipatitam, ādivarāhasamuddhṛtadharāmaṇḍalasthānamiva salilapūritam, anavaratamajjadunmadaśabarakāminīkucakalasalulitajalam, utphullakumudakuvalayakahlāram, unnidrāravindamadhubindubaddhacandrakam, alikulapaṭalāndhakāritasaugandhikam, sārasitasamadasārasam, amburuhamadhupānamattakalahaṃsakāminīkṛtakolāhalam, anekajalacarapataṅgaśatasañcalanacalitavācālavīcimālam, anilollāsitakallolaśiśiraśīkarārabdhaduddinam, aśaṅkitāvatīrṇābhirambhaḥkrīḍārāgiṇībhiḥ snānasamaye vanadevatābhiḥ keśapāśakusumaiḥ surabhīkṛtam, ekadeśāvatīrṇamunijanāpūryyamāṇakamaṇḍalukalajaladhvanimanoharam, unmiṣadutpalavanamadhyacāribhiḥ savarṇatayā rasitānumeyaiḥ kādambakadambakairāsevitam, abhiṣekāvatīrṇapulindarājasundarīkucacandanadhūlidhavalitataraṅgam, upāntajātaketakīrajaḥpaṭalabaddhakūlapulinam, āsannāśramāgatatāpasakṣalitārdravalkalakaṣāyapāṭalataṭajalam, upataṭaviṭapi pallavānilavījitam, aviralatamālavīthikāndhakāritābhiḥ vālinirvāsitena saṃcaratā pratidinamṛṣyamūkavāsinā sugrīveṇāvaluptaphalalaghulatābhiḥ, udavāsitāpasānāṃ devatārccanopayuktakusumābhiḥ | | kad pb1.118 | utpatajjalacarapataṅgapakṣapuṭavigalitajalabindusekasukumārakisalayābhiḥ latāmaṇḍapatalaśikhaṇḍimaṇḍalārabdhatāṇḍavābhiḥ anekakusumaparimalavāhinībhirvanadevatābhiḥ svaśvāsavāsitābhiriva vanarājibhiruparuddhatīram, aparasāgaraśaṅkibhiḥ salilamādātumavatīrṇairjaladharairiva bahalapaṅkamalinairvanakaribhiranavaratāpīyamānasalilam, agādhamanantamapratimam apāṃ nidhānaṃ pampābhidhānaṃ padmasaraḥ / |
|
