|
|
|
|
Text Name | kādambarī |
Transcribed by | students of the Institute of Indian Studies, Faculty of Arts, Charles University, Prague. |
Proofread by | students of the Institute of Indian Studies, Faculty of Arts, Charles University, Prague. |
Notes | ... |
|
|
kad pb1.316 | ekadā ca sa tadāvāsamupagataḥ tāṃ cintāstimitadīnadṛṣṭinā śokamūkena parijanena parivṛtām, ārādavasthitaiśca dhyānānimiṣalocanaiḥ kañcukibhirupāsyamānām, anatidūravattinībhiścāntaḥpuravṛddhābhirāśvāsyamānām, aviralāśrupātārdrokṛtadukūlām, analaṅkṛtām, vāmakaratalavinihitamukhakamalām, asaṃyatākulālakām, sunibiḍaparyyaṅkikopaviṣṭām, devīṃ dadarśa / | kad pb1.317 | kṛtābhyutthānāñca tāṃ tasyāmeva paryyaṅkikāyāmupaveśya | kad pb1.318 | svayañcopaviśya avijñātabāṣpakāraṇo bhītabhīta iva karatalena vigatabāṣpāmbhaḥkaṇo kurvan kapolau bhūpālastāmavādīt â 'devi! kimarthamantargataguruśokabhāramantharamaśabdaṃ rudyate, grathnanti hi muktāphalajālakamiva bāṣpabindunikarametāstava pakṣmapaṅktayaḥ / |
|
|
|
|