| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.47 | aticirakālalagnamatikrāntakunṛpatisahasrasamparkakalaṅkamiva kṣālayantī yasya vimale kṛpāṇadhārājale ciramuvāsa rājalakṣmīḥ / | | kad pb1.48 | yaśca manasi dharmmaṇa, kope yamena, prasāde dhanadena, pratāpe vahninā, bhuje bhuvā, dṛśi śriyā, vāci sarasvatyā, mukhe śaśinā, bale marutā, prajñāyāṃ suraguruṇā, rūpe manasijena, tejasi savitrā ca vasatā sarvadevamayasya prakaṭitaviśvarūpākṛteranukaroti bhagavato nārāyaṇasya / | | kad pb1.49 | yasya ca madakalakarikumbhapīṭhapāṭanamācaratā lagnasthūlamuktāphalena, dṛḍhamuṣṭiniṣpīḍananiṣṭhyūtadhārājalabindudantureva kṛpāṇenākṛṣyamāṇā subhaṭoraḥkapāṭaghaṭitakavacasahasrāndhakāramadhyavarttinī karikaraṭagalitamadajalāsāradurdināsvabhisārikeva samaraniśāsu samīpamasakṛdājagāma rājalakṣmīḥ / |
|
