| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.72 | evamādi cintayantameva rājānamīṣadavagalitakarṇapallavāvataṃsā pragalbhavaniteva kanyakā praṇanāma / | | kad pb1.73 | kṛtapraṇāmāyāñca tasyāṃ maṇikuṭṭimopaviṣṭāyām, sa puruṣastaṃ vihaṅgamamādāya pañjaragatameva kiñcidupasṛtya rājñe nyavedayadabravīcca ?? 'deva! viditasakalaśāstrārthaḥ, rājanītiprayogakuśalaḥ, purāṇetihāsakathālāpanipuṇaḥ, veditā gītaśrutīnām, kābyanāṭakākhyānakaprabhṛtīnāmaparimitānāṃ subhāṣitānāmadhyetā svayañca karttā, parihāsālāpapeśalaḥ, vīṇāveṇumurajaprabhṛtīnāṃ vādyaviśeṣāṇāmasamaḥ śrotā, nṛtyaprayogadarśananipuṇaḥ, citrakarmmaṇi pravīṇaḥ, dyūtavyāpāre pragalbhaḥ, praṇayakalahakupitakāminīprasādanopāyacaturaḥ, gajaturagapuruṣastrīlakṣaṇābhijñaḥ, sakalabhūtalaratnabhūto'yaṃ vaiśampāyano nāma śukaḥ / | | kad pb1.74 | sarvaratnānāñca udadhiriva devo bhājanamiti kṛtvainamādāyāsmatsvāmiduhitā devapādamūlamāyātā, tadayamātmīyaḥ kriyatā' mityuktvā narapateḥ puro nidhāya pañjaramasāvapasasāra / |
|
