|
|
|
|
Text Name | kādambarī |
Transcribed by | students of the Institute of Indian Studies, Faculty of Arts, Charles University, Prague. |
Proofread by | students of the Institute of Indian Studies, Faculty of Arts, Charles University, Prague. |
Notes | ... |
|
|
kad ub1.509 | utthāya ca tameva vinayāvanamrapūrvakāyaṃ samavalambyāṃsadeśe sakalamedinībhārodbahanaguruṇā dārdaṇḍena śanaiḥ śanaiḥ saṃcarañśukanāsenānugamyamāno vilāsavatībhavanamagamat / | kad ub1.510 | gatvā ca sasaṃbhramakṛtābhyutthānāmindūdayāvalokanavilolāmiva samudravelāṃ vilāsavatīmūrdhvasthita evāvādīt' / | kad ub1.511 | devi, paśyaiṣā tvamapi vadhūmukhāvalokanasukhasya kṛte nottāmyasītyupālabhamāneva devīṃ vatsasya yauvanabharārambhasūtrapātarekhā, āvayostāruṇyadurvilasitecchāvinivartanajñā vijṛmbhamāṇā śmaśrujiśobhā vivāhamaṅgalasaṃpādanāyādiśati / |
|
|
|
|