|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.486 | kamalavanamiva madhupaṅkapiṅgakesaram, grīṣmadivasamiva mahāyāmamugratejasañca, bhujaṅgamiva sadāgatyabhimukham, udadhipulinamiva śaṅkhamālikābharaṇam, bhītamiva stabdhakarṇam, vidyādhararājyamiva cakravarttinaravāhanocitam, sūryyodayamiva sakalabhuvanārghārham, aśvātiśamamindrāyudhamadrākṣīt / | | kad pb1.487 | dṛṣṭvā ca tamadṛṣṭapūrvamamānuṣalokocitākāramakhilatribhuvanarājyocitamaśeṣalakṣaṇopapannamaśvarūpātiśayamatidhīraprakṛterapi candrāpīḍasya pasparśa vismayaṃ hṛdayam / | | kad pb1.488 | āsīccāsya manasi 'sarabhasaparivarttanavalitavāsukibhramitamandareṇa mathnatā jaladhijalam idamaśvaratnamanuddharatā pūrvaṃ kiṃ nāma ratnamuddhṛtaṃ surāsuralokena / |
|
| |
|
| |
