|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.575 | tatra dhavalakañcukāvacchannaśarīrairanekaśatasaṃkhyaiḥ śriyamiva kṣīrodakallolaiḥ samantāt parivṛtāṃ śuddhāntarvaṃśikaiḥ atipraśāntākārābhiśca kaṣāyaraktāmbaradhāriṇībhiḥ sandhyābhiriva sakalalokavandyābhiḥ pralambaśravaṇapāśābhirviditānekakathālāpavṛttāntābhiḥ bhūtapūrvāḥ kathāḥ kathayantībhiḥ itihāsān vācayantībhiḥ pustakāni dadhatībhiḥ dharmmopadeśān nivedayantībhirjaratpravrajitābhirvinodyamānām, uparacittastrīveśabhāreṇa gṛhītavikaṭaprasādhanena varṣavarajanena saṃsevyamānām, anavaratavidhūyamānavālavyajanakalāpām, aṅganājane ca vasanābharaṇakusumapaṭavāsatāmbūlatālavṛntāṅgarāgabhṛṅgāradhāriṇā maṇḍalopaviṣṭenopāsyamānām, pathodharāntarāvalambitamuktāguṇām, acaladvayamadhyapravṛttagaṅgāpravāhāmiva medinīm, āsannadarṇṇapatitamukhapratibimbām, arkabimbapraviṣṭaśaśimaṇḍalāmiva divaṃ samupasṛtya mātaraṃ praṇanāma / | | kad pb1.576 | sā tu taṃ sasambhramamutthāpya satyapyājñāssampādanadakṣe pārśvapari vattini parijane svayameva kṛtāvataraṇamaṅgalā, prasnutapayodharakṣaratpayobinducchalena dravībhūya snehākulena nirgacchateva hṛdayenāntaḥ śubhaśatānyabhidhyāyantī mūrddhanyupāghrāya taṃ suciramāśiśleṣa / | | kad pb1.577 | anantarañca tathaiva kṛtayathocitasamupacāramāśliṣṭavaiśampāyanā svayamupaviśya vinayādavanitale samupaviśantam, ākṛṣya balādanicchantamavi candrāpīḍamutsaṅgamāropitavatī / |
|
| |
|
| |
