|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.577 | anantarañca tathaiva kṛtayathocitasamupacāramāśliṣṭavaiśampāyanā svayamupaviśya vinayādavanitale samupaviśantam, ākṛṣya balādanicchantamavi candrāpīḍamutsaṅgamāropitavatī / | | kad pb1.578 | sasambhramaparijanopanītāyāmāsandyāmupaviṣṭe ca vaiśampāyane candrāpīḍaṃ punaḥ punarāliṅgya lalāṭadeśe vakṣasi bhujaśikharayośca muhurmuhuḥ karatalena parāmṛśantī vilāsavatī tamavādīt ?? 'vatsa! kaṭhinahṛdayaste pitā, yeneyamākṛtirīdṛśī tribhuvanalālanīyā kleśamatimahāntamiyantaṃ kālaṃ lambhitā / | | kad pb1.579 | kathamasi soḍhavānatidīrghāmimāṃ guruyantraṇām? aho! bālasyāpi sataḥ kaṭhorasyeva te mahaddhairyyam / |
|
| |
|
| |
