|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.591 | sthitvā ca tūṣṇīṃ kṣaṇamiva śukanāsaḥ samudgataprītipulakairaṅgairāvedyamānahṛdayaharṣaprakarṣastamabravīt ?? 'tāta! candrāpīḍa! adya khalu devasya tārāpīḍasya samāptavidyamupārūḍhayauvanamālokya bhavantaṃ sucirādbhuvanarājyaphalaprāptirupajātā / | | kad pb1.592 | adya samṛddhāḥ sarvā gurujanāśiṣaḥ, adya phalitamanekajanmāntaropāttamavadātaṃ karmma, adya prasannāḥ kuladevatāḥ, na hyapuṇyabhājāṃ bhavādṛśāstribhuvanavismayajanakāḥ putratāṃ pratipadyante / | | kad pb1.593 | kvedaṃ vayaḥ, kveyamamānuṣī śaktiḥ kva cedamaśeṣavidyāgrahaṇasāmarthyam? aho! dhanyāḥ prajāḥ, yāsāṃ bharatabhagīrathapratimo bhavānutpannaḥ pālayitā / |
|
| |
|
| |
