|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.734 | anantaramitaścetaśca 'nirgato yuvarājaḥ' iti samākarṇya gradhāvatāṃ balānāṃ bhareṇa calitakulaśailakīlitajaladhijalataraṅgagateva tatkṣaṇamācakampe medinī / | | kad pb1.735 | sammukhāgatairanyaiścānyaiśca praṇamadbhirbhūmipālaiḥ, aṃśulatājālajaṭilacūlikānāṃ maṇimukuṭānāmālokenonmiṣitabahularociṣāñca patrabhaṅginīnāṃ keyūramaṇḍalīnāṃ prabhāsantānena kvacidvikīryyamāṇacāṣapakṣakṣodā iva, kvacidutpatitaśikhikulacalaccandrakaśataśārā iva, kvacidakālajaladharataḍittaralā iva, kvacit sakalpatarupallavā iva, kvacit saśatakratucāpā iva, kvacit sabālātapā ivākriyanta daśa diśaḥ / | | kad pb1.736 | dhavalānyapi vividhamaṇinikarakalmāṣairutsarpibhiścūḍāmaṇimarīcibhirmāyūrāṇīvārājanta rājñāmātapatrāṇi / |
|
| |
|
| |
