|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.895 | asyāḥ paribhūtānyakusumāmodo nanvayaṃ parimalaḥ' iti manasā niścitya taṃ tapodhanayuvānamīkṣamāṇāhamacintayam'aho! rūpātiśayaniṣpādanopakaraṇakośasya akṣīṇatā vidhātuḥ yantribhuvanādbhatarūpasambhāraṃ bhagavantaṃ kusumāyudhamutpādya tadākārātiriktarūparāśiḥ ayamaparo munimāyāmayo makaraketurutpāditaḥ / | | kad pb1.896 | manye ca sakalajagannayanānandakaraṃ śaśibimbaṃ viracayatā lakṣmīlīlāvāsabhavanāni kamalāni sṛjatā prajāpatinā etadānanākārakaraṇakauśalābhyāsa eva kṛtaḥ, anyathā kimiva hi sadṛśavastuviracanāyāḥ kāraṇam / | | kad pb1.897 | alīkañcedaṃ yathā kila sakalāḥ kalāḥ kalāvato bahulapakṣe kṣīyamāṇasya suṣumnanāmnā raśimanā ravirāpibatīti, tāḥ khalvasya gabhastayaḥ samastā vapuridamāviśantīti, kuto'nyathā rūpāpahāriṇi kleśabahule tapasi varttamānasyedaṃ lāvaṇyam' / |
|
| |
|
| |
