|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.927 | kutaścedamatinaipuṇyam, yaccakṣuṣaivānakṣaramevamantargato hṛdayābhilāṣaḥ kathyate' / | | kad pb1.928 | prāptaprasarā copasṛtya taṃ dvitīyamasya sahacaraṃ munibālakaṃ praṇāmapūrvakamapṛccham'bhagavan! kimabhidhānaḥ, kasya vāyaṃ tapodhanasya yuvā? kinnāmnaśca taroriyamanenāvataṃsīkṛtā kusumamañjarī! janayati hi me manasi mahat kautukamasyāḥ samutsarpannasādhāraṇasaurabho'yamanādhrātapūrvo gandhaḥ' iti / | | kad pb1.929 | sa tu māmīṣadvihasyābravīt'bāle! kimanena pṛṣṭena prayojanam, atha kautukamāvedayāmi, śrūyatām ?? asti khalu sakalatribhuvanaprakhyātakīrttiratyudāratapāḥ surāsurasiddhavṛndavanditacaraṇayugalo mahāmunidivyalokanivāsī śvetaketurnāma / |
|
| |
|
| |
