| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.957 | kva tadvaśitvaṃ cetasaḥ, kva sā praśāntiḥ, kva tat kulakramāgataṃ brahmacaryyam, kva sā sarvaviṣayanirutsukatā, kva te gurūpadeśāḥ, kva tāni śrutāni, kva tā vairāgyabuddhayaḥ, kva tadupabhogavidveṣitvam, kva sā sukhaparāṅmukhatā, kvāsau tapasyabhiniveśaḥ, kva sā saṃyamitā, kva sā bhogānāmuparyyaruciḥ, kva tadyauvanānuśāsanam / | | kad pb1.958 | sarvathā niṣphalā prajñā, nirguṇo dharmmaśāstrābhyāsaḥ, nirarthakaḥ saṃskāraḥ, nirupakārakā gurūpadeśavivekaḥ, niṣprayojanā prabuddhatā, niṣkāraṇaṃ jñānam, yadatra bhavādṛśā api rāgābhiṣaṅgaiḥ kaluṣīkriyante pramādaiścābhibhūyante / | | kad pb1.959 | kathaṃ karatalādgalitāmapahṛtāmakṣamālāmapi na lakṣayasi / |
|
