|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.970 | sā paścāccirādivāgatya tathāvasthitāṃ śanaiḥ śanaiḥ māmavādīt ?? 'bharttṛ dārike! yau tau tā rasakumārakau divyākārāvasmābhiracchodasarastīre dṛṣṭau, tayoreko yena bharttṛ duhituriyamavataṃsīkṛtā suratarukusumamañjarī, sa tasmād dvitīyādātmano rakṣan darśanamatinibhṛtapadaḥ kusumitalatāsantānagahanāntareṇāgatya māmāgacchantīṃ pṛṣṭhato bhartṛdārikāmuddiśyāprākṣīt 'bālike! keyaṃ kanyakā, kasya vāpatyam, kimabhidhānā, kva vā gacchati' iti / | | kad pb1.971 | mayoktameṣā khalu bhagavataḥ śvetabhānoraṃśusambhūtāyām apsarasi gauryyāṃ samutpannā, devasya sakalagandharvamukuṭamaṇiśa lākāśikharollekha masṛṇitacaraṇanakhacakrasya praṇayaprasuptagandharvakāminīkapolapatralatālāñchitabhujataruśikharasya pādapīṭhīkṛta lakṣmīkarakamalasya gandharvādhipaterhaṃsasya duhitā mahāśvetā nāma, gandharvādhivāsaṃ hemakūṭālacam, abhiprasthitā' iti kathite ca mayā, kimapi cintayan muhūrttamiva tūṣṇīṃ sthitvā vigatanimeṣeṇa cakṣuṣā ciramabhivīkṣamāṇo māṃ sānunayamarthitāmiva darśayan punarāa ?? 'bālike! kalyāṇinī tavāvisaṃvādinī acapalā bālabhāve'pyākṛtiriyam / | | kad pb1.972 | tat karoṣi me vacanamekamabhyarthyamānā?' iti / |
|
| |
|
| |
