|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1166 | gate ca tāte tataḥ prabhṛti tasya janasyāśrumokṣamātreṇa kṛtajñatāṃ darśayantī, tadanurāgakṛśamidamapuṇyabahulamastamitalajjamamaṅgalabhūtamanekakleśāyāsasahasranivāsaṃ dagdhaśarīrakaṃ bahuvidhairniyamaśataiḥ śoṣayantī, vanyaiśca phala mūlavāribhirvarttamānā, japavyājena tadguṇagaṇāniva gaṇayantī, trisandhyamatra sarasi snānamupaspṛśantī, pratidinamarcayantī devaṃ tryambakam, asyāmeva guhāyāṃ taralikayā saha dīrghaṃ śokamimamanubhavantī suciraṃ nyavasam / | | kad pb1.1167 | sāhamevaṃvidhā pāpakāriṇī nirlakṣaṇā nirlajjā krarā ca niḥsnehā ca nṛśaṃsā ca garhaṇīyā niṣprayojanotpannā niṣphalajīvitā nirnāthā niravalambanā niḥsukhā ca / | | kad pb1.1168 | kiṃ mayā dṛṣṭayā pṛṣṭayā vā kṛtabrāhmaṇavadhamahāpātakayā karoti mahābhāgaḥ ityuktvā pāṇḍunā valkalopāntena śaśinamiva śaranmeghaśakalenācchādya vadanaṃ durnivārabāṣpavegamapārayantī nivārayitumunmuktakaṇṭhamaticiramuccaiḥ sā'rodīt / |
|
| |
|
| |
