|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 3.102 | saṃtatabrahmaghoṣabadhirīkṛtā ivāpajagmurītayaḥ / | | har 3.103 | dharmādhikāraparibhūtamiva na prābhavaddurdaivam / | | har 3.104 | tatra caivaṃvidhe nānārāmābhirājmakusumagandhaparimalasubhago yauvanārambha iva bhuvanasya, kuṅkumamalanapiñjaritabahumahiṣīsahasraśobhito'ntaḥpuraniveśa iva dharmasya, marududdhūyamānacamarībālavyajanadhavalitaprānta ekadeśa iva surarājyasya, jvalanmakhaśikhisahasradīpyamānadaśadigantaḥ śibirasaṃniveśa iva kṛtayugasya, padmāsanasthitabrahmarṣidhyānādhīyamānasakalākuśalapraśamaḥprathamo'vatāra iva brahmalokasya, kalakalamukharamahāvāhinīśatasaṃkulo vipakṣa ivottarakurūṇām, īśvaramārgaṇasaṃtāpānabhijñasakalajano vijigīṣuriva tripurakhya, sudhārasasiktadhavalagṛhapaṅktipāṇḍuraḥ pratinidhiriva candralokasya, madhumattamattakāśinībhūṣaṇaravabharitabhuvano nāmābhihāra iva kuberanagarasya, sthāṇvīśvarākhyo janapadaviśeṣaḥ / |
|
| |
|
| |
