|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 3.16 | kaccitsa eva ciraṃtano yajñavidyākarmaṇyabhiyogaḥ, tānyeva vyākaraṇe parasparaspardhānubandhāvandhyadivasadarśitādarāṇi vyākhyānamaṇḍalāni, saiva vā purātanī parityaktānyakartavyā pramāṇagoṣṭhī, sa eva vā mandīkṛtetaraśāstraraso mīmāṃsāyāmatirasaḥ / | | har 3.17 | kaccitta eva vābhinavasubhāṣitasudhāvarṣiṇaḥ kāvyālāpāḥ" iti / | | har 3.18 | atha te tamūcuḥ - "tāta, saṃtoṣajuṣāṃ satatasaṃnihitavidyāvinodānāṃ vaitānavahnimātrasahāyānāṃ kiyanmātraṃ naḥ kṛtyaṃ sukhitayā sakalabhuvanabhuji bhujaṅgarājadehadīrghe rakṣati kṣitiṃ kṣitibhujo bhuje / |
|
| |
|
| |
