|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 3.18 | atha te tamūcuḥ - "tāta, saṃtoṣajuṣāṃ satatasaṃnihitavidyāvinodānāṃ vaitānavahnimātrasahāyānāṃ kiyanmātraṃ naḥ kṛtyaṃ sukhitayā sakalabhuvanabhuji bhujaṅgarājadehadīrghe rakṣati kṣitiṃ kṣitibhujo bhuje / | | har 3.19 | sarvathā sukhina eva vayam, viśeṣeṇa tu tvayi vimuktakausīdye parameśvarapārśvavartini vetrāsanamadhitiṣṭhati / | | har 3.20 | sarve ca yathāśakti yathā vibhavaṃ yathākālaṃ ca saṃpādyante viprajanocitāḥ kriyākalāpāḥ" ityevamādibhirālāpaiḥ skandhāvāravārtābhiśca śaiśavātikrāntakrīḍānusmaraṇaiḥ pūrvajakathābhiśca vinoditamanāstaiḥ saha suciramatiṣṭhat / |
|
| |
|
| |
