| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| har 3.23 | atrāntare dugūlapaṭṭaprabhave śikhaṇḍyapāṅgapāṇḍunī pauṇḍre vāsasī vasānaḥ, srānāvasānasamaye banditayā tīrthamṛdā gorocanayā ca racitatilakaḥ, tailāmalakamasṛṇitamauliḥ, anuccacūḍācumbinā nibiḍena kusumāpīḍakena samudbhāsamānaḥ, asakṛdupayuktatāmbūlavimalādharakāntiḥ, ekaśalākāñjanajanitalocanaruciracirabhuktaḥ, vinītamāryaṃ ca veṣaṃ dadhānaḥ, pustakavācakaḥ sudṛṣṭirājagāma, nātidūravartinyāṃ cāsandyāṃ niṣasāda / | | har 3.24 | sthitvā ca muhūrtamiva tatkālāpanītasūtraveṣṭanamapi nakhakiraṇairmṛdumṛṇālasūtrairiva veṣṭitaṃ pustakaṃ puronihitaśaraśalākāyantrake nidhāya, pṛṣṭhataḥ sanīḍasaṃniviṣṭābhyāṃ madhukarapārāvatābhyāṃ datte sthānake prābhātikaprapāṭhakacchedacihnīkṛtamantarapatramutkṣipya, gṛhītvā ca katipayapatralaghvīṃ kapāṭikām, kṣālayanniva maṣīmalinānyakṣarāṇi dantakāntibhiḥ, arccayanniva sitakusumamuktirbhirgrantham, mukhasaṃnihitasarasvatīnūpuraravairiva gamakairmadhurairākṣipanmanāṃsi śrotṝṇāṃ gītyā pavamānaproktaṃ purāṇaṃ papāṭha / | | har 3.25 | tasmiṃśca tathā śrutisubhagagītigarbhaṃ paṭhati sudṛṣṭau nātidūravartī bandī sūcībāṇastāramadhureṇa gītidhvanimanuvartamānaḥ svareṇedamāryāyugalamapaṭhat- "tadapi munigītamatipṛthu tadapi jagadvyāpi pāvanaṃ tadapi / |
|
