|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 4.63 | udare tanayena hṛdaye ca bhartrā tiṣṭhatā dviguṇitāmiva lakṣmīmuvāha / | | har 4.64 | sakhyutsaṅgamuktaśarīrā ca śarīraparicārikāṇāmaṅkeṣu sapatnīnāṃ tu śiraḥsu pādau cakāra / | | har 4.65 | avatīrṇe ca daśame māsi sarvorvībhṛtpakṣapātāya vajraparamāṇubhiriva nirbhitam, tribhuvanabhāradhāraṇasamarthaṃ śeṣaphaṇāmaṇḍalopakaraṇairiva kalpitam, sakalabhūbhṛtkampakāriṇaṃ diggajāvayavairiva vihitamasūta devaṃ rājyavardhanam / |
|
| |
|
| |
