|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 4.91 | tataśca prāpte jyeṣṭhāmūlīye māsi bahulāsu bahulapakṣadvādaśyāṃ vyatīte pradoṣasamaye samārurukṣati kṣapāyauvane sahasaivāntaḥ pure samudapādi kolāhalaḥ strījanasya, nirgatya ca sasaṃbhramaṃ yaśovatyāḥ svayameva hṛdayanirviśeṣā dhātryāḥ sutā suyātreti nāmnā rājñaḥ pādayornipatya "deva, diṣṭyā vardhase dvitīyasutajanmanā" iti vyāharantī pūrṇapātraṃ jahāra / | | har 4.92 | asminneva ca kāle rājñaḥ paramasaṃmataḥ śataśaḥ saṃvāditātindriyādeśo darśitaprabhāvaḥ saṃkalitī jyotiṣi sarvāsāṃ grahasaṃhitānāṃ pāradṛśvā sakalagaṇakamadhye mahito hitaśca trikālajñānabhāgbhojakastārako nāma gaṇakaḥ samupasṛtya vijñāpitavān - "deva, śrūyatām / | | har 4.93 | māṃdhātā kilaivaṃvidhe vyatīpātādisarvadoṣābhiṣaṅgarahite'hani sarveṣūccasthānasthiteṣvevaṃ graheṣvīdṛśi lagne bheje janma / |
|
| |
|
| |
