|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 6.112 | atha tathāgate bhrātari, uparate ca pitari, proṣitajīvite ca jāmātari, mṛtāyāṃ ca mātari, saṃyatāyāṃ ca ca svasari, svayūthabhraṣṭa iva vanyaḥ karī devo harṣaḥ kathaṃ kathamapyekākī kālaṃ tamanaiṣīt / | | har 6.113 | atikrānteṣu bahuṣu vāsareṣu kadācittayaiva bhrātṛgamanaduḥkhāsikayā dattaprajāgarastribhāgaśeṣāyāṃ triyāmāyāṃ yāmikena gīyamānāmimāmāryāṃ śuśrāva- "dvipopagītaguṇamapi samupārjitaratnarāśisāramapi / | | har 6.114 | potaṃ pavana iva vidhiḥ puruṣamakāṇḍe nipātayati //3//" tāṃ ca śrutvā sutarāmanityatābhāvanayā dūyamānahṛdayaḥ prakṣīṇabhūyiṣṭhāyāṃ kṣapāyāṃ kṣaṇamiva nidrāmalabhata svapne cābhraṃlihaṃ lohastambhaṃ bhajyamānamapśyat / |
|
| |
|
| |
