|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 6.40 | svabhāvasya seyaṃ kāpuruṣatā vā straiṇaṃ vā yadevamāspadaṃ pitṛśokahutabhujo jāto'smi / | | har 6.41 | mama hi bhūbhṛti paryaste niravaśeṣataḥ prasravaṇānīva snutānyaśrūṇyastamite mahati tejasyandhakārībhūtadaśāśasya pranaṣṭaḥ prajñālokaḥ prajvalitaṃ hṛdayam, ātmadāhabhīta iva svapne'pi nopasarpati vivekaḥ, balīyasā saṃtāpena jātuṣamiva vilīnamakhilaṃ dhairyam, pade pade digdharopāhateva hariṇī muhyati matiḥ, puruṣadveṣiṇīva dūrata eva bhramantī paariharati smṛtiḥ, ambeva tātenaiva saha gatā dhṛtiḥ, vārddhuṣikaprayuktānīva vittāni pratidivasaṃ vardhante duḥkhāni śokānaladhūmasaṃbhārasaṃbhūtāmbhodharabharitāmiva varṣati nayanavāridhārāvisaraṃ śarīram / | | har 6.42 | sarvaḥ pañcajanaḥ pañcatvamuparataḥ prayāti vitathametadvadati bālo lokaḥ / |
|
| |
|
| |
