•  Pandanus Homepage  •  Database of Plants  •  Publications  •  Sanskrit E-texts  •  Seminar of Indian Studies  •

Context: the preceding and the following line for harṣacaritam 7.110 back to results view  |  new search

Text Name harṣacaritam Transcribed by students of the Institute of Indian Studies, Faculty of Arts, Charles University, Prague. Proofread by students of the Institute of Indian Studies, Faculty of Arts, Charles University, Prague. Notes ...

har 7.109 etattāvadanugṛhṇātu dṛśā devaāḥ saṃdeśamapi visrabdhaṃ śroṣyati /" ityevamabhidhāya vivṛtyāsmīyaṃ puruṣamabhyadhāt - "uttiṣṭha /darśaya devasya" iti / har 7.110 sa vacanānantaramutthāya pumānūrdhvīcakāra taddhautadukūlakalpitācca nicolakādakoṣīt / har 7.111 ākṛṣyamāṇa eva ca yasminnatisitamahasi sarabhasamahāsīva hareṇa rasātalādudalāsīva śeṣaphaṇiphaṇāphalakamaṇḍalena, asthāyīva cakrībhūyāntarikṣe kṣīrodena, aghaṭīva gaganāṅgane goṣṭhībandhaḥ śāradena balāhakavyūhena, viśrāntamiva vitatapakṣatinā viyati pitāmahavimānahaṃsayūthena, atrinetranirgatasya dhavaladhāmamaṇḍalamanoharo dṛṣṭa iva janena janmadivasaḥ kumudabandhoḥ, pratyakṣīkṛta ivodgamanakṣaṇo nārāyaṇanābhipuṇḍarīkasya, āhiteva kaumudīpradoṣadarśanānandatṛptirakṣṇām, udamāṅkṣīdiva mandākinīpulinamaṇḍalaṃ mahadambarodare, parivartita iva divasaḥ paurṇamāsīniśayā mandamandamindūdayasaṃdehahūyamānamānasairvighaṭitaṃ ghaṭamānacañcucyutamṛṇālakoṭibhirāsannakamalinīcakravākamithunaiḥ, śarajjaladharapaṭalāśaṅkāsaṃkocitakekāravamūkamukhapuṭaiḥ, parāṅmukhībhūtaṃ bhavanaśikhaṇḍimaṇḍalaiḥ, prabuddhamābaddhacandrānandoddāmoddaladdalapuṭāṭṭahāsaviśadaṃ kumudaṣaṇḍaiḥ /

back to results view  |  new search

(c) 1998 - 2005 Seminar of Indian Studies, Institute of South and Central Asia, Faculty of Arts, Charles University.