| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| har 8.197 | atha tena bhrātuḥ preyasaḥ prakoṣṭhabaddhānāmoṣadhdīnāṃ rasavisaramiva pratyujjīvanakṣamaṃ kṣaratā vamateva pārihāryamaṇīnāmacintyaṃ prabhāvamamṛtamiva nakhacandrdaraśmibhirudgiratā badhnateva candrodayacyutaśiśiraśīkaraṃ candrakāntacūḍāmaṇiṃ mūrdhani mṛṇālamayāṅgulinevātiśītalena nirvāpayatā dahyamānaṃ hṛdayaṃ pratyānayateva kuto'pi jīvitamāhlādakena hastasaṃsparśena sahasaiva samunmimīla rājyaśrīḥ / | | har 8.198 | tathā cāsaṃbhāvitāgamanasyācintitadarśanasya sahasā prāptasya bhrātuḥ svapnadṛṣṭadarśanasyeva kaṇṭhe samāśliṣya tatkālāvirbhāvanirbhareṇābhibhūtasarvātmanā duḥkhasaṃbhāreṇa nirdayaṃ nadīmukhapraṇālābhyāmiva muktābhyāṃ sthūlapravāhamutsṛjantī bāṣpavāri vilocanābhyām "hā tāta, hā amba, hā sakhyaḥ" iti vyāharantī, muhurmuhuruccaistarāṃ ca samudbhūtabhaginīsnehasadbhāvabhārabhāvitamanyunā muktakaṇṭhamaticiraṃ vikruśya syamānāpi, "kalyāṇini, kuru vacanamagrajasya guroḥ" ityācāryeṇa yācyamānāpi, "devi, na paśyasi devasyāvasthām / | | har 8.199 | alamatiruditena" iti rājalokenābhyarthyamānāpi, "svāmini, bhrātaramavekṣasva" iti parijanena vijñāpyamānāpi, "duhitar, viśramya punarāraṭitavyam" ??? tūṣṇīmāssva / |
|
