•  Pandanus Homepage  •  Database of Plants  •  Publications  •  Sanskrit E-texts  •  Seminar of Indian Studies  •

Context: the preceding and the following line for harṣacaritam 8.232 back to results view  |  new search

Text Name harṣacaritam Transcribed by students of the Institute of Indian Studies, Faculty of Arts, Charles University, Prague. Proofread by students of the Institute of Indian Studies, Faculty of Arts, Charles University, Prague. Notes ...

har 8.231 sā cāsmākaṃ kālena śiṣyaparamparayā kathamapi hastamupagatā / har 8.232 yadyapi ca paribhava iva bhavati bhavādṛśāṃ dattriam upacārastathāpyoṣadhibuddhyā buddhimatā sarvasattvarāśirakṣāpravṛttena rakṣanīyaśarīreṇāyuṣmatā viṣarakṣāpekṣayā gṛhyatām /" ityabhidhāya bhikṣorabhyāśavartinaścīvarapaṭāntasaṃyatāṃ mumoca tāmekāvalīṃ mandākinīm / har 8.233 unmucyamānāyā eva yasyāḥ prabhālepini labdhāvakāśe viṣadamahasi mahīyasi visarpati raśmimaṇḍale yugapaddhavalāyamāneṣu diṅmukheṣu mukulitalatāvadhūtkaṇṭhitairāmūlādvikāśitamiva tarubhiḥ, abhinavamṛṇāalalubdhairdhāvitamiva dhutapakṣapuṭapaṭaladhavalitagaganaṃ vanasarasīhaṃsayūthaiḥ, sphuṭitamiva bharavaśaviśīryamāṇadhūlidhavalairgarbhabhedasūcitasūcīsaṃcayaśucibhiḥ ketakīvāṭaiḥ, udgalitadaladanturābhiḥ prabuddhamiva kumidnībhiḥ, vidhutasitasaṭābhārabharitadikca?kraiścalitamiva kesarikulaiḥ, prahasitamiva daśanāṃśumālālokalipyamānavanaṃ vandevatābhiḥ, vikasitamiva śithilitakumusakośakesarāṭṭahāsaniraṅ?śaṃ kāśakānanaiḥ, bhrāntamiva saṃbhramabhramitabālapallavapariveśaśvetāyamānaiścamarīkadambakaiḥ, prasṛtamiva sphāyamānaphenilataralatarataraṅgodgāriṇā girinadīpūreṇa, aparatārāgaṇalābhamuditenoditamiva vikacamarīcicakrākrāntakakubhā, pūrṇacandreṇa prakṣālita iva dāvānaladhūlidhūsaritadiganto divasaḥ, punariva dhautānyaśrujalakliṣṭāni nārīṇāṃ mukhāni /

back to results view  |  new search

(c) 1998 - 2005 Seminar of Indian Studies, Institute of South and Central Asia, Faculty of Arts, Charles University.