| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1619 | kathamiva mādṛśīrajanikarakiraṇāvadātaṃ kaulīnena kalaṅkayiṣyati kulam, kulakramāgatāñca lajjāṃ parityakṣyati, akanyakocite vā cāpale cetaḥ pravarttayiṣyati / | | kad pb1.1620 | sāhaṃ na saṅkalpitā pitrā, na dattā mātrā, nānumoditā gurubhiḥ, ta kiñcit sandiśāmi, na kiñcit preṣayāmi, nākāraṃ darśayāmi, kātareva anātheva nīceva balādavaliptena gurugarhaṇīyatāṃ nītā kumāreṇa candrāpīḍena / | | kad pb1.1621 | kathaya, mahatāṃ kimayamācāraḥ, kiṃ paricayasyedaṃ phalam, yadevamabhinavabisakisalayatantusukumāraṃ me manaḥ paribhūyate / |
|
