|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.155 | patralekhe, paśya ya eṣa pura evārkakiraṇanivāraṇollāsitayā preṅkhadālolalambaśikhayā mayūrapicchamayyā chatrikayā durvibhāvyavadanośvavāro jñāyate keyūrakoyam' iti / | | kad ub1.156 | yāvattayā sahaivaṃ nirūpayatyeva tāvattasmātprahitapuruṣādupalabdhātmāvasthānaṃ dṛṣṭipatha evāvatīrya turaṃgamādāpatantaṃ dūrād drutāgamanadhūlīdhūsaraśyāmīkṛtaśarīraṃ parivartitamivetarākāreṇojjhitāṅgarāgasaṃskārāmalinena vapuṣā viṣādaśūnyena ca mukhenāntarduḥkhasaṃbhārapiśunayā ca dṛṣṭyā dūrata evāpṛṣṭhāmapi kaṣṭāṃ kādambarīsamavasthāmanakṣaramāvedayantaṃ keyūrakamadrākṣīt / | | kad ub1.157 | dṛṣṭvā ca darśitaprītirehyehītyāhūya sasaṃbhramapraṇatopasṛtamatidūraprasāritābhyāṃ dorbhyāṃ paryaṣvajata tam / |
|
| |
|
| |
