|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.168 | yadaiva patralekhāṃ meghanādāya samarpyāgatena pratinivṛtya mayāyaṃ devasyojjayinīgamanavṛttānto niveditastadaivordhvaṃ vilokya dīrghamuṣṇaṃ ca niśvasya sanirvedam 'evametat' ityuktvotthāya mahāśvetā punastapase svamevāśramapadamājagāma / | | kad ub1.169 | devyapi kādambarī jhaṭiti hṛdaye drughaṇenevābhihatā, atarkitāpatitāśanineva mūrdhni tāḍitā, antaḥpīḍākūṇananimīlitena cakṣuṣā mūrcchiteva muṣiteva paribhūteva vañciteva conmukteva cāntaḥkaraṇena, aviditamahāśvetāgamanavṛttāntā ciramiva sthitvonmīlya nayane vilakṣeva lajjiteva vismṛteva vismayastabdhadṛṣṭirmahāśvetāyāḥ kathayeti sāsūyamiva māmādiśya madalekhāyāṃ punarvalitamukhī savilakṣasmitaṃ 'madalekhe asti kenacidapareṇaitatkṛtaṃ kariṣyate vā yatkumāreṇa candrāpīḍena' ityevamabhidadhatyutthāya nivāritāśeṣaparijanapraveśā śayanīye nipatyottaravāsasottamāṅgamavaguṇṭhya nirviśeṣahṛdayavedanā madalekhāmapyanālapantī sakalameva taṃ divasamasthāt / | | kad ub1.170 | paredyuśca prātarevopasṛtaṃ māmevaṃ dṛḍhataraśarīreṣu mriyamāṇeṣviva bhavatsvahamīdṛśīmavasthāmanubhavāmītyupālabhamāneva na me bhavadbhiḥ pārśvavartibhiḥ kāryamiti nirbhartsayantīvakiṃ me purastiṣṭhasītyantarmanyuvegena tarjayantīva ca bāṣpapūrodrekotkampaparyākulayā dṛṣṭyā ciramālokitavatī / |
|
| |
|
| |
