|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.1186 | atha tayornimajjanasamayānantarameva tasmātsarasaḥ salilācchaivalotkaramiva śirasi lagnaṃ galajjalabindusaṃdohamayathāvalambidīrghaśikhaṃ mukhopariparasparāsakterasaṃskāramalinatayā copasūcitacirordhvabandhaṃ jaṭākalāpamudvahañjalārdradehāsaktena bisatantumayeneva brahmasūtreṇodbhāsamāno mlānāravindinīpalāśapṛṣṭhapāṇḍureṇa jīrṇamandāravalkalenābaddhaparikaraḥ kareṇānanāvarodhinīrjaṭāḥ samutsārayannaśrujalacchalenācchodasaraḥ salilamivāntaḥ praviṣṭamātāmrābhyāmudvahaṃllocanābhyāmudvignākṛtistāpasakumārakaḥ sahasaivodatiṣṭhat / | | kad ub1.1187 | utthāya ca dūrata evoddāmabāṣpajalanirodhaparyākulayāpi baddhalakṣayā dṛṣṭyā vilokayantīṃ mahāśvetāmupasṛtya śokagadgadamavādīt' / | | kad ub1.1188 | gandharvarājaputri, janmāntarādivāgatopi pratyabhijñāyateyaṃ jano na vā' iti / |
|
| |
|
| |
