|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.1235 | yenāyaṃ mayāsyaivārthasya kṛte kinnaramithunānusārī bhūmimetāmānīto devaścandramasovatāraścandrāpīḍaḥ / | | kad ub1.1236 | yopyasau prāktanānurāgasaṃskārādabhilaṣannajānatyā tvayā śāpāgninā nirdagdhaḥ sopi me vayasyapuṇḍarīkasyāvatāraḥ / | | kad ub1.1237 | " ityetacchrutvā 'hā deva puṇḍarīka, janmāntarepyavismṛtamadanurāga, matpratibaddhajīvita, maccharaṇa, manmukhāvalokinmanmayasakalajīvaloka, lokāntaragatasyāpi tehameva rākṣasī vināśāyopajātā dagdhaprajāpateriyadeva mannirmāṇe dīrghajīvitapradāne ca prayojanaṃ niṣpannaṃ yatpunaḥ punaste vyāpādanam, svayaṃ hatvā ca pāpakāriṇī kamupālabhe kiṃ bravīmi kimākrandāmi kamupayāmi śaraṇaṃ ko vā karotu mayi dayāṃ yācehamātmanaivādhunā deva prasīda kuru dayāṃ dehi me prativacanamityetānyakṣarāṇyuccārayantyapi lajje, manye ca tavāpyevamutpannaṃ mandabhāgyāyāṃ mayi vairāgyaṃ yenaivamapi vipralapantyāṃ na prativacanaṃ dadāsi, hā hatāsmyanenaivātmano jīvitasyoparyanirvedena' ityunmuktārtanādā sorastāḍanamavanāvātmānamapātayat / |
|
| |
|
| |
