|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.697 | athādhvanaiva saha kṣīṇāyāṃ yāmavatyām rasātalādivonmajjatsu sarvabhāveṣu, unmīlantīṣviva dṛṣṭiṣu, punarivānyathā sṛjyamāne jīvaloke, vibhajyamāneṣu nimnonnateṣu, viralāyamāneṣviva vanagahaneṣu, saṃkucatsviva tarulatāgulmeṣu, gaganatalamārohantyāḥ pade iva bahulalākṣārasālohite divasaśriyovaśyāyasekānnavapallava ivodbhidyamāne pūrvāśālatāyāḥ kamalinīrāgadāyini divasakarabimbe, vispaṣṭe prabhātasamaye, kaṭakalokenaiva saha parāpatitavānujjayinīm / | | kad ub1.698 | atha dūrata eva prasṛtidvandvasaṃsthitaiśca puñjyamānaiśca puñjitaiścābaddhamaṇḍalaiścopaviṣṭhaiḥ valitaiśca dattakatipayaśūnyapadaiśca nivartyamānaiścāgacchadbhiśconmukhaiścodvāṣpadṛṣṭibhiśca vivarṇadīnavadanaiśca mahākaṣṭaśabdāmukharaiśca duḥkhādhikyāhitamaunaiśca munibhirapi mumukṣubhirapi vītarāgairapi niḥspṛhairapyudāsīnairapi durjanairapi snehaparavaśaiḥ pitṛbhiriva suhṛdbhiriva snigdhabandhubhiriva ca nagarīnirgatairātyā pṛcchyamānaṃ kathyamānaṃ ca vicāryamāṇaṃ cānubhāvyamānaṃ ca vaiśampāyanavṛttāntameva samantācchuśrāva / | | kad ub1.699 | śṛṇvaṃśca cakāra cetasi' / |
|
| |
|
| |
