| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad ub1.1594 | āsādya ca vikalpaśatadolādhirohaṇaduḥsthitenāntarātmanā dūrasthita eva prathamamāptatamānaśvavārānvārtānveṣaṇāya tvaritakena sārdhaṃ prahitavān / | | kad ub1.1595 | atha taiḥ sārthamāgacchantam, ujjhitātmasaṃskāramalinakṛśaśarīram, avanitalaniveśitottamāṅgam, udbāṣpadīnataradṛṣṭim, jīvitalajjayā rasātalamiva praveṣṭumīhamānam, ahamahamikayā parasparāvaraṇenaivātmadarśanamabhirakṣantam, akṣatamapi hatamiva, saparicchadamapi muṣitamiva, jīvantamapi mṛtamiva, sasaṃbhrāmakṛtāgamanamapi pratīpamākṛṣyamāṇacaraṇamiva, aṅgaireva saha galitotsāham, bāṣpeṇaiva saha muktātmānam, vaiklabyenaiva sahopasarpantam, meghanādapuraḥsaraṃ sakalameva candrāpīḍacaraṇatalanibaddhajīvitaṃ rājaputralokamālokyollasitatanayaśokormivegākrāntopyucchavasita iva dṛḍhībhūtacandrāpīḍadehāvināśapratyayāntarātmanā nivṛtya sāvaraṇaparyāṇavartinīṃ vilāsavatīmavādīt' / | | kad ub1.1596 | devi, diṣṭyā vardhase / |
|
